بیجاپور:سڑک حادثہ میں 7افراد ہلاک

بیجاپور۔29۔ڈسمبر ( یواین آئی ) بیجاپور میں سڑک حادثہ پیش آیا جس میں 7افراد ہلاک ہوگئے ۔ جن میں ایک پولیس کانسٹبل ‘ 3خواتین اور ایک 8سالہ بچہ بھی شامل ہے ۔ جائے وقوع پر ہی ہلاک اور 7دیگر اس وقت شدید زخمی ہوگئے جب ایک تین پہیوں والی ٹم ٹم ایک سمنٹ سے لدی ہوئی لاری سے ٹکراگئی ۔ یہ افسوسناک حادثہ بیجاپور ضلع کے سندگی تعلقہ میں 218قومی شاہراہ پر پیش آیا ۔ پولیس ذرائع کی بموجب مہلوکین کی شناخت بسواراج راتھوڑ 35سالہ نیزی بھا 41سالہ ‘ لطیف 20سالہ ‘ نبی لال 55سالہ ‘ گنگوبائی 40سالہ خواجہ بی 35سالہ اور رکشتیا 8سالہ کی



حیثیت سے کی گئی ہے ۔ زخمیوں کو قریبی سندگی اور بیجاپور میں واقع دواخانوں میں شریک کروایا گیا ہے ۔ جہاں پر دوزخمیوں کی حالت نازک بتائی گئی ہے ۔ یہ حادثہ اس وقت پیش آیا جب تین پہیوں والی گاڑی جس میں 14مسافر سندگی کے ایک ہفتہ وار بازار میں خریدی کرنے کیلئے جارہے تھے ۔ سمنٹ سے لدی ہوئی ایک لاری سے ٹکراگئی جو اسے اوور ٹیک کرنے کی کوشش کررہی تھی ۔ پولیس ذرائع نے یہ بات بتائی ۔ لاری کا ڈرائیور اور کلینر جائے وقوع سے فرار ہونے میں کامیاب ہوگئے ۔ پولیس نے اس ضمن میں ایک کیس درج کرلیا ہے اور حادثہ کی تحقیقات کررہی ہے ۔